Manno Beats fè 2 gòl pou mizik ayisyen an

Jou ki te samdi 23 novanm 2019 la, Manno Beats ranpòte lamayòl nan “All Africa Music Awards” (AFRIMA). Atis lan pran tou 2 pri li te seleksyone pou yo an. Manno Beats se te sèl Ayisyen nomine pou konpetisyon sila.

>>Sou menm sijè a: Manno Beats pwofèt nan peyi l

Premye pri an se pou pi bon atis afriken pou tandans electroBest Artist in African Electro” epi lòt pri a se pou pi bon aktè afriken nan dyaspora an “Best African Act in the diaspora“. Se yon gwo moman nan karyè Beatmaker a ki pa t janm dekouraje nan chèche vòt pou sizyèm edisyon AFRIMA an.

N ap raple Kokennchenn viktwa sa fèt gras ak dènye mizik atis lan ki rele “Akouna” ki te sòti 30 jiyè 2019. Yon kolaborasyson avèk Vox Sambou epi Afrotronix. Pou 2 pri sa yo, Atis lan te jwenn sipò piblik ayisyen an ki ede l leve defi a.

Diskòb salye viktwa sila. Manno Beats fè Fyète peyi l, li fè fyète mizik ayisyen. Mizik nou viv li.