« Suiv nou » , 10 lane apre…

« Yon kapital ak pliske 3 milyon moun. Yon sèl lopital ki jeneral pou bay lavi nan hood la ». Pawòl sa yo sòti anba plim yon MC ki rele F-Ner, se te yon Novanm 2009. Nan mwens pase 3 mwa, yon kokennchenn tranblanntè frape peyi a. Anpil pitit peyi a peri nan katastwòf politik sa.

Nou di katastwòf politik paske se pa tranblanntè a li menm ki touye moun yo men pito jan n konstui ak mank (en)fòmasyon sou fenomèn nan li menm.

10 Lane aprè, ki kote nou ye? Ki kote Ayiti ye?

Sa gen 18 mwa depi pèp ayisyen pran lari y ap mande bonjan kondisyon lavi ak limyè sou jesyon fon Petwokaribe a. Pifò nan yo se Jèn. Sa vle di, yo grandi ak pawòl F-Ner la nan zòrèy yo, lespri yo.
10 lane aprè kote Majik Click?
Daprè anpil moun, katastwòf la anpeche Albòm nan fè sa l te dwe fè men malgre sa li fè chemen l.

Menm si siksè komèsyal la pa reponn, Swiv Nou klase kòm youn nan klasik Rap. Sa rete grave nan kè tout tizè bon rap. Peyi a pa chanje! Sitiyasyon moun ki vle Viv ak pasyon yo pa chanje. Jodi a n pa ka di si ap gen yon lòt albòm men n ka reve.

Se pa yon rèv, Diskòb kontan anonse nou Klasik sa disponib sou aplikasyon an. Koute, Pataje, Swiv…

Ios>>> https://apps.apple.com/us/app/diskob/id1484522072

Android>>> https://play.google.com/store/apps/details?id=com.thinkinnov.diskob

Kite yon kòmantè